Kanë dalur në shitje biletat për ndeshjen Kosovë – Irlandë e Veriut, ka njoftuar Federata e Futbollit e Kosovës.
“Federata e Futbollit e Kosovës njofton opinionin se biletat për ndeshjen kualifikuese të Ligës së Kombeve ndërmjet Kosovës dhe Irlandës së Veriut, që do të zhvillohet të enjten, më datë 09/06/2022 në orën 20:45 në stadiumin “Fadil Vokrri”, mund të blihen përmes platformës online. Tifozët e Kombëtares së Kosovës “Dardanët” janë të vendosur në tribunën Veri. Çmimet e biletave janë: Veri dhe Jug 5 euro, Lindje 10 euro, Perëndim 20 euro dhe VIP 80 euro. Një person mund të blejë deri në katër bileta”, ka njoftuar FFK.