17.8 C
Prizren
E enjte, 6 Tetor, 2022

Debat për programet për kulturë të kandidatëve të Prizrenit

Valon XhabaliRrjeti i Organizatave të Kulturës në Prizren (RrOK Prizren) organizon debatin me temën “Programet për kulturë të kandidatëve të Prizrenit”. Debati mbahet nesër në ora në orën 11.00, në Qendrën Evropa në Prizren.

Valon Xhabali nga “EC Ma Ndryshe” tha se të ftuar në këtë debat janë të gjithë kandidatët për kryetar të Komunës së Prizrenit si dhe aktivistët e shoqërisë civile dhe të komunitetit të kulturës në Prizren. “Qëllimi themelor i këtij debati është shpalosja e planeve, projekteve dhe programeve të kandidatëve për kryetar të Komunës për kulturën”,tha Xhabili.

Sipas tij, secili kandidat për kryetar të Komunë, do t’i ketë në dispozicion pesë minuta për të paraqitur pikat kryesore të programit të cultures.

“Ndërsa kjo do të pasohet me debatin mes tyre dhe pjesëtarëve të shoqërisë civile. ”Gjatë këtij debati, kandidatët për kryetar të Komunës së Prizrenit do t’i përgjigjen pyetjeve dhe kërkesave të pjesëmarrësve për kulturën, trashëgiminë kulturore dhe turizmin e qytetit.

“Në fund të debatit, RrOK Prizren do t’i ofrojë secilit kandidat për kryetar të Komunës një deklaratë zotimi. Në këtë deklaratë janë të listuara kërkesat e komunitetit të kulturës së qytetit, ndërsa ajo do t’i ofrohet të githë kandidatëve për nënshkrim”.

Rrjeti i Organizatave Kulturore i Prizrenit është rrjet joformal i organizatave të kulturës në komunën e Prizrenit. Misioni i këtij Rrjeti është arritja e një ekonomie të zhvilluar lokale në Prizren përmes pasurimit dhe strukturimit të ofertës turistike bazuar në rritjen e cilësisë dhe vëllimit të aktiviteteve kulturore. Objektivat themelorë të punës së Rrjetit në Prizren përfshijnë: pasurimin e jetës kulturore, ngritjen e cilësisë së aktiviteteve ekzistuese kulturore, strukturimin e ofertës kulturistike, përmirësimin e politikave kulturore në nivel komunal, menaxhimin e decentralizuar të kulturës, diversifikimin e financimit të aktiviteteve kulturore dhe nxitjen e qytetarisë aktive dhe të përgjegjshme./PrizrenPress.com/

 

Më Shumë

12 vëllezër e motra thyejnë rekordin botëror me moshë të kombinuar mbi 1058 vjeç

Një familjeje me 12 vëllezër e motra në Spanjë iu dha Rekordi Botëror Guinness kur mosha e tyre e kombinuar u konfirmua si 1058...

Boksieri 25-vjeçar humb jetën pas dëmtimeve nga kundërshtari në ring – VIDEO

Një ngjarje e rëndë ka ndodhur gjatë një dueli në ring. Luis Quinones ishte një emër i ri në botën e boksit, i cili...

Lajmet e Fundit