Drejtori i Demokracisë në Veprim, Ismet Kryeziu ka takuar premten gazetarët e Prizrenit. Ai ka bashkëbiseduar me gazetarët për avancimin e aktivitetit monitorues me qëllim të minimizimit sa më të madh të problemeve gjatë zgjedhjeve.
Kryeziu tha se Demokracia në Veprim ka krijuar strategjinë e monitorimit të zgjedhjeve. Sipas tij, përgjegjësinë për monitorimin në Rajonin e Prizrenit e ka marr organizata ATA, ndërsa këtë vit Demokracia në Veprim aktivitetin e monitorimit do të filloi 2 muaj më heret se herëve tjera.
“Që bashkëpunimi me mediat të jetë më i ngushtë, Demokracia në Veprim do t’i ndihmojë gazetarët sidomos në vlerësimin e shpenzimeve të fushatës së partive politike”, tha Kryeziu/PrizrenPress.com/