Shqiptari i arrestuar në Britani pas një investigimi të “Daily Mail”, por bën të gjitha përpjekjet ligjore për të shmangur ekstradimin drejt Shqipërisë. Avni Metra, i cili akuzohet për vrasjen e dy vëllezërve në vitin 1997, në Burrel, ka dalë dje para gjykatës që do të vendosë ekstradimin e tij nga Britania.
Ai është shprehur se do të kundërshtojë çdo vendim që e detyron të kthehet në Shqipëri. Avokatja e tij, Helen Dawson, pranoi se Metra ka hyrë në Britani në vitin 1998, duke përdorur identitet të rremë si shqiptar i Kosovës.
I pyetur nëse do të kthehej vullnetarisht në Shqipëri, Metra është përgjigjur prerë: Kurrë!
Ai rezulton i dënuar me 25 vjet burg për vrasjen e dy vëllezërve në Burrel, në vitin 1997. Metra u ka nxjerrë sytë viktimave dhe u ka prerë veshët.
Siç shkruan “Daily Mail”, gruaja e tij është shprehur se ka frikë për jetën e saj pas vendimit për të treguar të vërtetën rreth të shoqit.
Policia dyshon se një bashkëpunëtor i Metrës, 56-vjeçari Kadri Hoxha, i cili në Shqipëri është i dënuar gjithashtu me 25 vjet burg, fshihet në Britaninë e Madhe