-7.2 C
Prizren
E enjte, 9 Shkurt, 2023

Derbi madrilen për Muriqin

Vedat Muriqi është bërë objektiv i klubeve të mëdha spanjolle falë paraqitjeve mbresëlënëse të tij në vitin 2022.

Sulmuesi kosovar është njëri prej më të mirëve në repartin e tij në pjesën e parë të sezonit 2022/23 duke e udhëhequr me sukses Mallorcan, shkruan “Gazeta Express”.

E tash, mediat spanjolle raportojnë se interesimi nga klubet e mëdha për përfaqësuesin kosovar nuk mungon.

Ditë më parë u tha se “Piratin” e do Real Madridi, i cili e sheh si zëvendësues të Karim Benzemas, kur francezi do të pushojë shkaku i angazhimeve të shumta të “Los Blancos”.

E tash, mediumi “El Gol Digital”, raporton se në garë për prizrenasin është futur edhe rivali i Realit, Atletico Madridi.

“Los Colchoneros” e shohin ish-futbollistin e Rizesportit, Fenerbahçes dhe Lazios si zëvendësues ideal të Joao Felixit, ndërsa në listën e ngushtë të Diego Simeones janë edhe Marcus Thuram dhe Enes Unal.

Shitjes eventuale të 28 vjeçarit do t’i gëzohej tej mase Lazio, e cila do t’i merrte 45% nga shitja e sulmuesit kosovar, në bazë të marrëveshjes që e ka me Mallorcan, shkruan “Gazeta Express”.

Muriqi ka thënë se ndihet i lumtur në klubin ishullor, me të cilin ka nënshkruar kontratë afatgjate.

Por, interesimi nga klubet e mëdha mund të ndryshojë gjithçka…

Më Shumë

Një grua sulmon një tjetër në Prizren, për motive xhelozie

Një grua ka sulmuar dhe ngacmuar me fjalë denigruese një grua tjetër, për motive xhelozie. E njëjta më pas është arrestuar dhe ëshë dërguar në...

LDK-ja gjuan akuza për qeverinë e Prizrenit

Dega e Lidhjes Demokratike të Kosovës në Prizren, në një konferencë për media ka prezantuar sot abuzimet dhe keqpërdorimet nga ana e zyrtarëve dhe...

Biseda me djalin

Lajmet e Fundit