Një incident zjarri ka ndodhur sot në mëngjes në lokalin tregtar ushqimor “ICOLI” në fshatin Nebrogosht të Prizrenit.
Sipas Policisë, ndihmesë në shuarjen e zjarrit kanë dhënë fqinjët dhe familjarët.
“Janë djegur katër frigorifer dhe inventari po ashtu janë dëmtuar edhe gjërat ushqimore nga tymi e flaka. Vlera e dëmit vlerësohet rreth 8000 euro”, thuhet në një njoftim të Policisë.
Hetues policorë në bashkëpunim me ekspertin për hetimin e shkaqeve të zjarrit po punojnë për zbardhje e rastit.