19.8 C
Prizren
E martë, 17 Qershor, 2025

Dita e tretë, Prizreni pa asnjë të infektuar me COVID-19

Instituti Kombëtar i Shëndetësisë Publike të Kosovës, ka bërë të ditur se janë testuar gjithsej 332 mostra të marra nga Klinika Infektive dhe gjurmimi i kontakteve të rasteve në terren, nga të cilat janë konfirmuar 4 raste me COVID-19.

Rastet pozitive janë raste kontakti nga: komuna e Vushtrrisë 3 raste (sipas vendbanimit: 3 raste Stanovc) dhe 1 rast me vendbanim në Përlepnicë-Gjilan.

Sot më 28 maj 2020, janë shëruar 19 pacientë derisa numri i përgjithshëm i të shëruarve deri më sot është gjithsej 820 raste.

Nga data 08 shkurt deri më 28 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 14.324 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.052 raste, me gjithsej 30 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Më Shumë

“Hidroregjioni Jugor” nesër nis aksion për shkyçjen e lidhjeve ilegale dhe mospagesën e faturave me asistencë të policisë

Kompania Rajonale e Ujësjellësit “Hidroregjioni Jugor” sh.a., në bashkëpunim dhe me asistencën e Policisë së Kosovës, ka njoftuar se më 17 qershor 2025 do...

Nënshkruhet marrëveshja për investime në Bellobrad, Dragash dhe Kosavë të Dragashit

Kryetari i Komunës së Dragashit, Behxhet Xheladini, ka nënshkruar sot një Marrëveshje Mirëkuptimi me Zëvendësministrin e Zhvillimit Rajonal, Eldin Uglari, për bashkëfinancimin e një...

Lajmet e Fundit