Televizioni shtetëror në Armeni ka raportuar se kryeministri Serzh Sargsyan ka dhënë dorëheqjen.
Dorëheqja e Sargsyan vjen pas 11 ditë protestash kundër tij nga mbështetësit e opozitës, të cilët e akuzojnë atë për kapjen e pushtetit pasi u shërbeu maksimalisht 10 vjet si president.
“Lëvizja e rrugës është kundër mandatit tim, por e plotësoj kërkesën tuaj”, tha ai në një deklaratë.
Sargsyan u caktua kryeministër të martën e kaluar pasi më parë kishte qëndruar dy mandate në krye të vendit si president.
Njoftimi për largimin e tij nga posti erdhi pasi kreu i opozitës Nikol Pashinyan u lirua nga paraburgimi. Pashinyan ishte arrestuar të dielën e së bashku me të edhe dy politikanë të tjerë të opozitës dhe rreth 200 demonstrues.
Në deklaratën e tij, të botuar nga agjencia e lajmeve Armen Press, Sargsyan thotë se ai ishte “duke iu drejtuar të gjithë qytetarëve të Republikës së Armenisë … për herë të fundit si udhëheqës i vendit”.
Ai shton: “Nikol Pashinyan kishte të drejtë, unë kam gabuar, situata ka disa zgjidhje, por unë nuk do të ndërmarr asnjë prej tyre, pasi kjo kohë nuk është e imja. Po largohem nga zyra e kryetarit të vendit, kryeministrit”.
