Grupi Parlamentar i Partisë Demokratike të Kosovës është dakorduar që seanca për Specialen të mbahet javën e ardhshme, ku edhe pritet të votohet amendamenti për këtë Gjykatë.
Po ashtu bëhet e ditur se Gjykata Speciale javën e ardhshme do të shkojë për votim në Kuvendin e Kosovës.
PDK dhe shumica e deputetëve të saj që kanë votuar kundër, do të votojnë për dhe do t’i hapin rrugë krijimit të Speciales, raporton Gazeta Tribuna.
Ndryshe, sot shefi i PDK-së, Hashim Thaçi, e ka thirrur në mbledhje Grupin parlamentar të PDK-së, ku është diskutuar për themelimin e Gjykatës Speciale.
Thaçi nuk dha detaje për takimin, por tha se nuk ka pushim për deputetët pa u themeluar Gjykata Speciale.