Një ngjarje dramatike ka ndodhur dje në kryeqytetin serb, kur tre shtetas francezë ia kanë rrëmbyer vajzën dy vjeçare një nëne, derisa ajo po ecte në një rrugë të Beogradit.
Tre shtetas francezë M.S. (46), S.A.G. (50) dhe SH.E.K. (26) të cilët të premten rreth mesditës në Beograd kishin kidnapuar nga duart e një nëne vajzën dyvjeçare, janë arrestuar shumë shpejt, derisa po provonin të iknin me veturë në autostradë.
Policia u kishte rënë në gjurmë kidnapueseve, të cilët në një moment kishin dashur ta hidhnin vajzën e rrëmbyer në autostradë, transmeton Telegrafi.
Më poshtë në video mund të ndiqni pamjet e regjistruara nga kamerat e sigurisë nga vendi ku ishte kidnapuar vogëlushja, momentin e ikjes nëpër autostradë dhe arrestimin e kidnapuesve.