Zyra e personelit e Komunës së Prizrenit vazhdon të jetë bartëse e procesit të zgjedhjes së drejtorëve të shkollave.
Ndërkohë Drejtoria e Arsimit kërkon që ajo t’i ketë kompetencat për një gjë të tillë, meqë kështu veprohet edhe në komuna të tjera të Kosovës shkruan sot Koha Ditore.
Ministri i Arsimit, Shkencës dhe Teknologjisë së Kosovës, Arsim Bajrami, gjatë vizitës së fundit në Prizren fillimisht e ka quajtur të tejkaluar këtë problem, duke shtuar se niveli qendror po bashkëpunon me komunën që të ketë koordinim të plotë në këtë plan. Por më pas ka pranuar se MASHT-i po e rishikon legjislacionin me qëllim të unifikimit të sistemit të zgjedhjes së drejtorëve dhe personelit mësimor.
“Kemi një konsensus të plotë për mënyrën se si do t’i qasemi zgjedhjes së mësimdhënësve dhe drejtorëve. Ministria e Arsimit pas debatit parlamentar është duke e rishikuar legjislacionin për arsimin parauniversitar për të vendosur një sistem unik në nivel republike për zgjedhjen e drejtorëve dhe personelit mësimor”, ka thënë ministri Bajrami…