10.8 C
Prizren
E premte, 29 Mars, 2024

Drejtuesit e Inter-it me ultimatum ndaj Inzaghi-t

Interi po kalon në momente të vështira, teksa në javën e fundit pësoi humbjen e 10-të sezonale, duke u mposhtur nga Fiorentina me rezultat 0:1.

Drejtuesit e klubit e kanë vizituar qendrën stërvitore një ditë pas humbjes, duke u ballafaquar fillimisht me trajnerin, pastaj edhe me futbollistët.

Bëhet fjalë për një diskutim të qetë mes palëve, sidomos me futbollistët, megjithatë duket se Inzaghi i ka konsumuar të gjithë bonuset e tij dhe ka marrë edhe ultimatumin nga drejtuesit e klubit zikaltër.

Mediat në Itali shkruajnë se ata i kanë vënë kusht trajnerit që tre sfidat e radhës t’i fitojë, përndryshe do të shkarkohet.

Ndeshja e parë është këtë të marte, ku zikaltrit do të ballafaqohen me Juventus-in në ndeshjen e parë gjysmëfinale të Kupës së Italisë.

Më pas zikaltrit do të udhëtojnë drejt Salernos, për t’u përballur me Salernitanën vendase në kampionat dhe sfida e tretë është ajo më e rëndësishmja e sezonit, ndaj Benfica-s në çerekfinale të Ligës së Kampionëve.

Pra, tre ndeshje shumë të vështira në udhëtim, që do të vendosin jo pak sa i përket sezonit të Interi-t, por mbi të gjitha sa i përket fatit të Simone Inzaghi-t.

 Albanian Post 

Më Shumë

Bayern Munichu me kërkesë të fundit për Alphonso Davies

Tani ose kurrë. Siç thuhet në Gjermani, Bayern Munich i ka dhënë Alphonso Davies një javë kohë për të marrë një vendim për të...

“Fëmija po rrezikohen”- vozitje të “çmendura” në një fshat të Malishevës, pamje nga kamerat

Në njërën rrugë të fshatit Drenoc të Komunës së Malishevës banorët atje po rrezikohen nga ngasësit e veturave. Pamjet nga kamerat e sigurisë që janë...

Dhimbja

Lajmet e Fundit