Vdekja e këngëtarit të famshëm amerikan, Prince Rogers Nelson i njohur si Prince, e ka trishtuar edhe këngëtaren shqiptare Dua Lipa.
Ajo përmes një postimi në Instagram ka nderuar legjendën amerikane, duke thënë se bota ka mbetur edhe pa një legjendë që ishte inspirim i vërtetë.
“Sapo aderova në Londër dhe mora një lajm kaq trishtues! Bota ka humbur një legjendë dhe inspirimin. Pusho në paqe Prince, muzika juaj do të jetojë përgjithmonë”, ka shkruar Dua Lipa.
Prince ka vdekur dje në moshën 57 vjeçare. Policia e Minneapolisit kishte konfirmuar se ai është gjetur i vdekur në studion e tij të incizimit.