Paris Saint-Germain arriti të mbajë Kylian Mbappe përpara këtij sezoni, por e ardhmja e tij afatgjatë ka mbetur e pasigurt dhe një raport i ri pretendon se ndeshja e klubit francez në fazën eliminatore të Ligës së Kampionëve me Real Madridin mund të jetë pika e cila do vendos të ardhmen e francezit.
Nëse afati kohor, siç raportohet nga AS, qëndron, Mbappe do të vendosë të ardhmen e tij jo më herët se 9 mars, data e ndeshjes së dytë mes PSG dhe klubit të Bernabeu-t.
1 janari është data nga e cila klubet mund të fillojnë negociatat para kontratës për të nënshkruar me 23-vjeçarin si lojtar i lirë korrikun e ardhshëm.
Mbappe iu bashkua PSG-së nga Monaco në vitin 2017 fillimisht si huazim, por më pas përgjithmonë në një marrëveshje me vlerë rreth 180 milionë euro.
Ai më parë deklaroi dëshirën e tij për t’u larguar nga liderët aktualë të Ligue 1; sa më shumë kohë të kalojë pa rinovim në Parc des Princes, aq më të mëdha janë gjasat që ai të luajë diku tjetër sezonin e ardhshëm.
/Albanianpost.com