Qendërmbrojtësi i Villarreal, Pau Torres është në agjendën e disa prej skuadrave më të mira në kontinent për sezonin e ardhshëm.
Prej kohësh, 25-vjeçari përflitet se do të hedhë hapin e madhë në karreirë, duke iu bashkuar një klubi më me peshë se Villarreal.
Torres është pjesë e rëndësishme e formacionit të Unai Emery, por dhe në Kombëtaren e Spanjës është lojtar kyç.
Forma e mirë që ka lojtari ka bërë që Manchester United dhe Inter të shfaqin hapur interesin për të marrë shërbimet e tij, sipas raportimeve që vijnë nga mediat spanjolle.
Erik ten Hag kërkon garanci në mbrojtjen e United. Harry Maguire shikohet gjithnjë e më larg formacionit, ndaj Torres do te ishte partneri ideal për Lisandro Martinez, duke dueluar me Raphael Varane për një vend titullari.
Ndërsa, Inter në verën e ardhshme pritet të mbetet pa dy nga qendërmbrojtësit, Milan Skriniar dhe Stefan de Vrij. Të dy janë në vitin e fundit të kontratës në “Giuseppe Meazza”. Ndaj dhe Torres shikohet si përforcimi i duhur.
/Albanianpost.com