Policia e Kosovës (PK) ka arrestuar të dyshuarin për kanosje i cili kishte tentuar me veturën e tij ta godas viktimën që ishte duke lëvizur në këmbë.
Lajmi u bë i ditur përmes raportit 24 orësh të PK-së, ku thuhet se rasti ka ndodhur në Malishevë, raporton “Betimi për Drejtësi”.
“Është arrestuar i dyshuari mashkull kosovar pasi që, dyshohet se i njëjti derisa ishte duke drejtuar veturën ka tentuar ta godas (me veturë) viktimën mashkull kosovar i cili ishte duke lëvizur në këmbë, dyshohet për shkak të një konflikti të mëhershëm, i cili është në procedurë gjyqësore. Viktima ka arritur t’i shmanget goditjes dhe nuk ka pësuar lëndime. Me vendim të prokurorit, i dyshuari pas intervistimit është liruar në procedurë të rregullt. Rasti vazhdon të hetohet”, thuhet në raportin e PK-së. /BetimipërDrejtësi