Sipas një eksperti, të kryesh marrëdhënie seksuale në moshën 15-vjeçare duhet të jetë e ligjshme.
Profesori John Ashton, President i Fakultetit të Shëndetit Publik në Britani thotë se mosha aktuale për të kryer marrëdhënie seksuale është “jashtë mode”.
Profesor Ashton është duke bërë thirrje për një debat publik mbi këtë çështje. “Pikëpamja ime është që kjo moshë të ulet në 15 vjeç, por kjo nuk mund të bëhet në qoftë se publiku nuk e mbështet idenë, dhe për këtë duhet të merret një mendim i opinionit publik”, tha John Ashton për ‘Sunday Times’.
“Unë personalisht nuk do të argumentoja për moshën 14-vjeçare, por për moshën 15 vjeç. Duke bërë këtë, njerëzit do të mund të organizojnë në mënyrë të ligjshme shërbime për të plotësuar nevojën”, vazhdon argumentimi i Profesor Ashton.
Sipas shifrave zyrtare, 1/3 e adoleshentëve kryejnë marrëdhënie seksuale përpara se të arrijnë në moshën 16-vjeçare.