Era e fortë mbrëmë ka goditur shumë fshatra të zonës së Hasit, duke dëmtuar çatitë e shtëpive dhe rrëzuar shtylla të shumta elektrike, njoftojnë banorë të kësaj zone.
Sipas tyre, gjendja më e rëndë paraqitet në fshatrat: Dedaj, Romajë, Lugishtë, Kabash dhe Kushnin . Si pasojë e dëmtimit të shtyllave elektrike, që nga mbrëmja e fundit në shumë fshatra të kësaj zone është ndërprerë edhe furnizimi me energji elektrike.
Banorët e këtyre fshatrave kërkojnë nga kompania KEDS dhe organet tejra kompetente të dalin në vendngjarje, dhe të evitojnë dëmet e shkaktuara nga erërat e fuqishme, si dhe të mundësohet ritkhimi i furnizimit të rregullt me energji elektrike./TV Prizreni/