Presidenti turk Rexhep Tajip Erdogan ka sulmuar Bashkimin Evropian dhe Kombet e Bashkuara, për shkak të presionit që po i bëjnë Turqisë që të hapë kufijtë e saj për refugjatët.
“Neve nuk e kemi fjalën ‘idiot’ të shkruar në ballë. Do to jemi të duruar por në fund do të bëjmë atë çfarë duhet të bëjmë. Mos mendoni se avionët dhe autobusët janë aty pa ndonjë arsye”, ka deklaruar Erdogan i zemëruar.
Më parë ai ka kërcënuar se do të dërgojë miliona refugjatë që gjenden në Turqi në shtet e tjera të Evropës. “Jam krenar për atë që kam thënë”, deklaron kreu i shtetit turk.
“Në të kaluarën i kemi ndalur njerëzit në portë, kemi ndalur autobusët në Jedren. Do ta hapim rrugën dhe do t’u urojmë rrugë të mbarë”, deklaron ai.
Erdogan është i zhgënjyer me BE-në, që nuk ka përmbushur premtimin e saj për dhënien e 3 miliardë dollarëve për Turqinë, si ndihmë për përballimin e situatës me refugjatët.