19.8 C
Prizren
E premte, 12 Prill, 2024

Erdogan nënshkruan vendimin, zgjedhjet presidenciale dhe parlamentare në Turqi mbahen më 14 maj

Presidenti i Turqisë, Recep Tayyip Erdogan, ka njoftuar se ka nënshkruar vendimin për mbajtjen e zgjedhjeve presidenciale dhe parlamentare në Turqi më 14 maj.

“Me autoritetin e dhënë nga Neni 116 i kushtetutës sonë, nënshkrova dekretin për mbajtjen e zgjedhjeve më 14 maj, të cilat ishin planifikuar të mbahen më 18 qershor të vitit 2023”, ka thënë Erdogan në kompleksin presidencial në kryeqytetin Ankara.

“Pas këtij vendimi që do të publikohet në Gazetën Zyrtare, Këshilli i Lartë Zgjedhor (YSK) do të nisë kalendarin zgjedhor dymujor”, shtoi presidenti turk, duke uruar që këto zgjedhje të jenë të dobishme për vendin, kombin, kuvendin dhe partitë politike.

Ai tregoi se përditësimin e vendimit që zgjedhjet të mbahen më 14 maj në vend të 18 qershorit e kanë ndarë me publikun menjëherë pas vitit të ri, ndërsa si shkak për këtë theksoi se data fillestare është kohë kur mbahen provimet e studentëve, si dhe periudhë e haxhit.

Duke folur për aktivitetet zgjedhore, presidenti turk theksoi se kanë ndaluar të gjitha muzikat dhe se fushata zgjedhore e tyre do të vazhdojë pa përdorimin e muzikës, nëpërmjet takimeve bilaterale.

“Agjenda jonë zgjedhore sërish do të qëndrojë në shërimin e plagëve të viktimave të tërmetit dhe kompensimin e dëmeve ekonomike e sociale të kësaj fatkeqësie”, u shpreh Erdogan.

Presidenti turk theksoi se qëllimi i tyre është që brenda një viti të përfundojnë 319 mijë shtëpi në zonat e tërmetit, përfshirë 244 mijë banesa dhe 75 mijë shtëpi fshati, dhe t’ua dorëzojnë pronarëve, duke u mundësuar 3,5 milionë banorëve të rajonit një hapësirë të re jetese.

Dekreti i firmosur nga presidenti Erdogan tashmë është publikuar në Gazetën Zyrtare.

Më 14 maj, kombi turk do të zgjedhë presidentin dhe anëtarët e parlamentit.

Në vitin 2017, votuesit turq përmes një referendumi vendosën të kalojnë nga sistemi parlamentar në një sistem ekzekutiv presidencial të qeverisjes dhe që nga viti 2018 vendi hoqi dorë nga posti i kryeministrit dhe kaloi plotësisht në një sistem presidencial të qeverisjes. /AA/

Më Shumë

Liga e Kampionëve rikthehet me dy super çerekfinale

Liga më prestigjioze e futbollit evropian, Liga e Kampionëve rikthehet me super dy ndeshjet e para çerekfinale. Sfida kryesore e së martës në mbrëmje do...

Osmani uron Ditën e Romëve: Kosova nderon trashëgiminë e tyre kulturore

Presidentja e Kosovës, Vjosa Osmani, ka uruar komunitetin rom në ditën ndërkombëtare të tyre. Ajo ka thënë se komuniteti rom që jeton në Kosovë është...

Lajmet e Fundit