21.8 C
Prizren
E premte, 29 Mars, 2024

Erdogan planifikon të bisedojë me Putinin për referendumet e rreme

Presidenti turk, Recep Tayyip Erdogan, planifikon të bisedojë të enjten me presidentin rus, Vladimir Putin, për referendumet ilegale që ka mbajtur Moska në disa rajone të Ukrainës.

Erdogan ka thënë të mërkurën se presidenti ukrainas, Volodymyr Zelensky, ka kërkuar mbështetjen e Turqisë për rajonet e prekura dhe që “ta bindim Putinin”.

“Do të dëshiroja që të mos mbanin referendumet, dhe që ne të mund të zgjidhnim këtë problem përmes rrugëve diplomatike”, ka thënë ai.

Referendumet e rreme, që janë mbajtur në katër rajone në jug dhe lindje të Ukrainës, nuk njihen ndërkombëtarisht, sepse janë mbajtur në kundërshtim me ligjet ukrainase dhe ato ndërkombëtare.

Rusia ka nisur luftën në Ukrainë më 24 shkurt.

Ekspertët perëndimorë besojnë se Putin po tenton të marrë kontrollin e territoreve ukrainase përmes referendumeve, pasi diçka të tillë nuk ka arritur ta bëjë në fushëbetejë.

Turqia është anëtare e aleancës veri-atlantike të NATO-s, dhe ka marrëdhënie të mira me Ukrainën.

Ajo është po ashtu e afërt me Rusinë.

Në bisedën telefonike mes Putinit dhe Erdoganit, dy liderët pritet të diskutojnë edhe planet për ndërtim të një stacioni të ri bërthamor në Sinop, rajon turk në Detin e Zi.

Centrali i parë bërthamor i Turqisë, Akkuyu, është duke u ndërtuar në jug të Turqisë.

Kompania shtetërore ruse, Rosatom është e angazhuar në ndërtimin e tij./REL

Më Shumë

Disa qese me kokainë, marihuanë, armë e shumë e konsiderueshme e parave – Policia jep detaje se çfarë sekuestroi gjatë operacioneve në Prizren, Pejë...

Policia e Kosovës në dy raste të ndara, në tre rajone të ndryshme ka sekuestruar lëndë narkotike të dyshuara për kokainë dhe marihuanë si...

Rohde: Masakrat si kjo në Krushë të Madhe treguan se kishte ardhur koha për ndërhyrjen e NATO-s

Ambasadori gjerman në Kosovë, Jorn Rohde tha se masakrat si kjo në Krushë të Madhe të Rahocecit, 25 vjet më parë ka treguar se...

Lajmet e Fundit