Erërat e fuqishme, që kanë filluar nga dita e djeshme, e të cilat po vazhdojnë ende, shkaktuan dëme të konsiderueshme në territorin e Komunës së Malishevës. Sipas asaj që shihet në terren, erërat kanë shkaktuar dëme në kulmet e shtëpive, shkollave, lokaleve afariste, por edhe në serra.
Në njoftimin e komunës së Malishevës thuhet se është dëmtuar kulmi i shkollës në Mirushë dhe aneksi i kësaj shkolle, pastaj disa lokale afariste, serra dhe të tjera, kryesisht më të dëmtuar janë objektet e kulme llamarine, po ashtu janë dëmtuar edhe kulmet e shtëpive, ku ka thyerje të tjegullave, si dhe garazhe dhe të ngjashme.
Drejtoria për Mbrojtje dhe Shpëtim, ju bën thirrje qytetarëve për kujdes të shtuar, pasi erërat po vazhdojnë dhe rreziku mbetet ende. Ekipet komunale të emergjencave, janë në terren dhe po bëjnë incizimin e gjendjes momentale.