Ernest Luma anëtari i kryesisë së Aleancës për Ardhmërinë e Kosovës, ka dhënë dorëheqje nga pozita e tij në kryesinë e kësaj partie.
Për këtë largim ai e ka njoftuar kryetarin Ramush Haradinaj me një letër të cilën Luma e ka bërë publike edhe në profilin e tij në Facebok.
Në letrën e tij të dorëheqjes, Haradinaj u ka uruar suksese në vazhdimin qëllimeve politike kolegëve të tij të partisë.
Ky vendim i Ernest Lumës ka ardhur pasi ai para disa ditësh kishte publikuar një status në profilin e tij në Facebook, duke u thënë hanxhinjve që nisen për pelegrinazh në Mekë, “Shkofshi e mos u kthefshi”.
AAK sot përmes një komunikate u distancua nga deklarata e partiakut të tyre, duke shprehur keqardhje për dëmin e shkaktuar nga zyrtari i tyre i partisë.
Kurse Luma ka thënë se urimi i tij për pelegrinët nuk ishte tendencioz dhe se ishte një keqkuptim, por pavarësisht kësaj ai për hir të opinionit publik dhe përgjegjësisë që ka ndaj AAK-së ka vendosur të largohet nga partia.
“Urimi im për pelegrinët e Haxhit nuk kishte asnjë qëllim të keq”.“Rrjedhat tjera, sot, ishin rezultat i keqinterpretimeve dhe keqkuptimeve që jo rrallë ndodhin në mediat tona (portaleve dhe rrjeteve sociale). Partia ime, Aleanca, si subjekt politik, sigurisht se me të drejtë është distancuar nga, siç është thënë, gjuha ime sarkastike, e përdorur në këtë rast.
Kjo nuk do të thotë aspak se Aleanca nuk është demokratike. Aleanca, në strukturat drejtuese të së cilës i kam investuar 13 vjet, ka demokraci të brendshme, te ndërtuar me vite.
“Megjithatë, për hir të opinionit publik dhe përgjegjësisë që ndjej ndaj subjektit politik që i takoj, kolegëve dhe kryetarit, unë kam paraqitur dorëheqjen nga Kryesia dhe Këshilli Drejtues i Aleancës për Ardhmërinë e Kosovës”.
“Por, në të njëjtën kohë, nuk tërheq asgjë nga urimi im për haxhinjtë e sivjetmë. Qëllimi ka qenë i mirë dhe sllogani është ai që ka qenë gjithmonë lajtmotiv qendror i përcjelljes për në Haxh”.
“Në fund, për demokracinë në vendin tonë është shumë e domosdoshme dhe imediate që një herë e përgjithmonë ta bëjmë dallimin qenësor midis elektoratit dhe xhematit. Unë i respektoj si gjithmonë, edhe njërin, e edhe tjetrin, por secili duhet të jetë në vendin e tij”.