KTV-ja merr vesh se Prokurori, pas intervistimit, e ka njoftuar Krasniqin se shpejt do të dalë me një vendim për ngritje aktakuze ose pushim hetimesh. Por, ai është intervistuar në cilësinë e të dyshuarit sepse dy motrat, dëshmitare të mbrojtura, përmendin emrin e tij gjatë dëshmive në rastin ndaj Sylejman Selimit dhe tre të tjerëve.
Megjithatë, ato kanë qenë kontradiktore në dëshminë e tyre, sepse nuk kanë qenë në gjendje të përshkruajnë Jakup Krasniqin, ku njëra dëshmitare thotë se ai kishte mjekër.
Për zhvillimet e fundit, KTV-ja ka kërkuar sqarim nga Prokuroria Speciale, por përgjigjja e tyre ka qenë se ‘nuk kanë koment për këtë’.