35.8 C
Prizren
E shtunë, 13 Korrik, 2024

Familja e viktimës 9 vjeçe të festivalit “Astroworld” refuzon ofertën e Travis Scott

Familja e njërës prej viktimave më të reja të festivalit “Astroworld”, Ezra Blount, e ka refuzuar ofertën e rep artistit, Travis Scott, që përfshin pagesën e ceremonisë së funeralit të viktimës.

Ezra Blount – Viktimë e festivalit “Astroworld”

“Oferta e klientit tuaj është refuzuar. Nuk kam dyshim se ndjen keqardhje. Ai duhet të përballet dhe shpresojmë të shohë se ai mban një pjesë të përgjegjësisë për këtë tragjedi”, ka shkruar avokati i familjes Blount – Bob Hilliard, duke iu përgjigjur letrës së Scott.

Kjo përgjigje erdhi pasi që të mërkurën e 24 nëntorit, avokati zyrtar i Travis Scott, i kishte dërguar letrën Hilliard dhe këshilltarit të tij, Ben Crump, duke treguar për situatën e rënduar emocionale të rep artistit pas tragjedisë së koncertit.

Travis Scott

“Travis është i shkatërruar nga tragjedia që ndodhi në festivalin Astroworld dhe ndihet keq për familjet, të dashurit e të cilëve vdiqën ose u plagosën”, thuhej në letrën e Petrocellit.

“Travis është i përkushtuar të bëjë pjesën e tij për të ndihmuar familjet që janë të përfshirë në këtë dhe për këtë qëllim dëshiron të paguajë për shpenzimet e funeralit për djalin e Blount”, thuhej më tej.

Ezra Blount ishte viktima më e re nga të gjithë ata që përfunduan me fatalitet. Ai ishte vetëm 9 vjeç.

Në një intervistë të mëparshme me gazetën lokale “ABC13”, babai i Ezra-s, Treston Blount tha se ai “nuk ishte gati të humbiste djalin”.

“Ne kemi ende një jete për të bërë”, tha ai, duke përshkruar sesi djali i tij ishte një fans i madh i Scott-it, i cili ishte “i ngopur” përpara performancës.

Kryetari i bashkisë së Hjustonit, Sylvester Turner pati thënë se ishte “i pikëlluar kur mësoi për vdekjen e Ezrës”.

Rritja e turmës në koncert filloi rreth orës 21:15 me orën lokale të së premtes, 5 nëntor. Kishte rreth 50 mijë njerëz në festivalin në kompleksin NRG Park të qytetit.


“Astroworld”

Teksa përplasja filloi të shkaktonte lëndime te njerëzit, paniku u rrit dhe viktimat pushtoi shpejt ndihmësit e parë në vendngjarje, thanë zyrtarët.

Hetuesit po shqyrtojnë videon nga vendi i ngjarjes për të eksploruar shkaqet e valës dhe çfarë i kishte penguar njerëzit të arratiseshin. Ata po punojnë gjithashtu për të intervistuar viktimat dhe dëshmitarët.

Ata që humbën jetën ishin të moshës nga 9 deri në 27 vjeç.

Scott, një nga emrat më të mëdhenj të muzikës rap, lançoi “Astroworld” me promovuesit e koncerteve “Live Nation” në 2018.

Ai u ka kërkuar viktimave që të kontaktojnë me të, duke thënë se ai “dëshiron dëshpërimisht të ndajë ngushëllimet e tij dhe të ofrojë ndihmë”, sipas një deklarate.

Policia pati deklaruar se viktimat u shtypën nga një numër i madh i fansave pranë skenës rreth orës 21:30 me orën lokale.

Scott vazhdoi të performonte për gati 40 minuta më gjatë, duke e përfunduar përfundimisht setin rreth 15 deri në 20 minuta përpara kohës së reklamuar.

/Albanianpost.com

Më Shumë

Rekord gjobash, policia lëshoi dorën të mërkurën -“i fiku” qytetarët me 2486 tiketa

E mërkura ka qenë dita kur policia ka bërë “kërdi” me dënime në trafik. Këtë ditë, forcat e rendit nuk falën kundërvajtësit, duke shqiptuar hiq...

“Prizren Rock and Blues Festival” mbyll edicionin e dytë me muzikë frymëzuese

Edicioni i dytë i “Prizren Rock and Blues Festival” është përmbyllur gjatë fundjavës me muzikë që ka bërë bashkë moshat e ndryshme në Parkun...

Lajmet e Fundit