Zëdhënësi i Komunës së Prizrenit, Ymer Berisha, tha se Muja ka qenë shembull i qeverisjes në këtë komunë.
Deputeti i Partisë Demokratike të Kosovës, Berat Buzhala, thotë se komuna nuk duhet lejuar që për shkak të hapjes së vendeve të punës t’ia japë në shfrytëzim pronën komunale një krimineli, i cili mund të investojë në atë pronë.
“Ti mundesh një mafiozi me i kriju mundësi e ai me hapë vende të punës këtu e edhe ti vazhdimisht me u thirr që na i shtinim 100 veta në punë”, tha Buzhala.
Por Buzhala tha thotë se nëse shkohet në zgjedhje të reja në Prizren, PDK nuk do të fitonte.
Nga ana e tij, zëdhënësi i Komunës së Prizrenit, Ymer Berisha, tha se Muja ka qenë shembull i qeverisjes në këtë komunë.
Ai tha se, po e presin vendimin e Ministrisë së Pushtetit Lokal për interpretimin e vendimit të Ramadan Mujës për pezullimin e postit të kryetarit të Prizrenit.
Por Berisha, nuk tha se cilët hapa do t’i ndjek PDK në këtë komunë, nëse MAPL, thotë se vendimi i Mujës, nuk ka bazë ligjore.
Ndërkohë, pas rrethanave të krijuara në Prizren, tashmë ish-nënkryetari i Prizrenit Ruzhdi Rexha dha dorëheqje nga kjo pozitë.
“Unë thjesht nuk kam mujtë, ndërgjegjja ime nuk ka lejon që të vazhdoj më tepër që të jem pjesë e atij subjekti politik”, tha Rexha, në emisionin “Jeta në Kosovë” në RTK.