Në Malishevë është mbajtur mbledhja konstituive e Komitetit për Komunitete.
Këtë mbledhje konstituive e hapi kryesuesi i KK të Malishevës, Enver Hoti, ndërsa kryesues i Komitetit për Komunitete u zgjodh Fatmir Ademaj, anëtar i KK të Malishevës, nga radhët e LDK-së.
Kryesuesi i KK-së, Hoti, paraprakisht i ka njoftuar anëtarët e Komitetit me detyrat dhe përgjegjësitë që kanë, ndërsa ju ka dëshiruar punë të mbarë, me dëshirën që të punojnë në të mirë të komuniteteve të ndryshme në Komunën e Malishevës dhe për këtë punë, i siguroi që do ta kenë përkrahjen e Kuvendit të Komunës.
Unanimisht, Fatmir Ademaj, u zgjodh kryesues i Komitetit për Komunitete, ndërsa pas marrjes së kësaj detyre, ai tha se ka nevojë të punohet më shumë për komunitetet dhe këtë, do të mundohen ta bëjnë.
Anëtarë të Komitetit për Komunitete, janë:
Fatmir Ademaj (LDK)-kryesues
Luan Kryeziu (IQM)
Arlinda Thaçi (PDK)
Donjeta Foniqi (VV)
Naser Malisheva (RAE)
Vera Bytyçi ( zyrtare për çështje gjinore)
Shyhrete Sertolli (shoqëria civile)