Kryetari i NISMA-s për Kosovën, Fatmir Limaj sot ka pritur në takim, Kryetarin e Bashkimit Demokratik për Integrim, Ali Ahmeti. Limaj e Ahmeti, në takimin e zhvilluar sot, kanë biseduar për zhvillimet aktuale politike, ekonomike dhe sociale në Kosovë e Maqedoni.
Limaj ka falënderuar Ahmetin për kontributin që ka dhënë për Kosovën në çdo kohë, e gjithashtu tha se stabiliteti dhe qetësia është në të mirë te të gjithë rajonit.
“Kur Maqedonia është mirë në frymën e zhvillimeve demokratike atëherë është shumë më i lehtë zhvillimi i Kosovës, e kur Kosova është mirë në rrugëtimin e saj europian, atëherë çdo gjë do të jetë më e lehtë për Shqipërinë”, tha Limaj gjatë takimit me liderin e BDI-së, Ali Ahmeti.
Ndërsa Kryetari i Bashkimit Demokratik për Integrim, Ali Ahmeti u shpreh se bashkëpunimi me Kosovën është i domosdoshëm, kur e dimë se vendet tona ndodhën pranë ngjarjeve me rëndësi për rajonin dhe Europën.
Ahmeti gjithashtu ka uruar Kryetarin Limaj për themelimin e NISMA-s për Kosovën, ku tha se besoj shumë në sukseset e këtij subjekti të ri në Kosovë. /PrizrenPress.com/