Kryetari i NISMA për Kosoven Fatmir Limaj, bashkë me kandidatët për deputet nga Prizreni, fushatën zgjedhore e ka vazhduar me qytetarët e lagjes “11 Marsi”, “2 Korriku” të këtij qyteti.
Nisma në Prizren, në këto zgjedhje garon me tre kandidatë për deputet nga Prizreni: Zafir Berisha, Albulena Balaj-Halimaj dhe Manuela Koni.
Limaj ftoi qytetarët e Prizrenit, që t’i bashkohen projektit të NISMA–s.
“ Duke e mbështetur Nismën, fuqizoni objektivat tona”, tha Limaj.
Kandidati për deputet Zafir Berisha tha se vizioni social-demokrat i NISMA-s për Kosovën, është projekti më i qëlluar për në këto zgjedhje.
“Nëse marrim parasysh hendekun e thellë të mosbarazisë sociale në Kosovë, atëherë me të drejtë zotohemi se vetëm orientimi social-demokrat i NISMA-s ofron alternativë konkrete për qytetarin”.
“ Prandaj, duke mbështetur Nismën dhe kandidatët e saj për deputet, ju i keni dhënë mundësinë një qeverie ndryshe pas 11 qershorit”, tha Berisha./PrizrenPress.com/