Blendi Fevziu po konsideron se ka gjetur të përbashkëtën e Ahmet Zogut e Enver Hoxhën. Mbajtja e pushtetit. Ndërsa, po thotë se as njëri e as tjetri s’bënë gjë për Kosovën. Filozofinë e Zogut për korruptimin e kundërshtarëve politikë e gjen edhe te politikanët e sotëm shqiptarë.
Gjatë këtyre ditëve, Fevziu ka qëndruar në Prishtinë dhe ka promovuar librin e tij të fundit “Ahmet Zogu, Presidenti që u bë mbret”.
Fevziu ka dhënë një intervistë për Gazetën Express ku ka folur për Zogun, për raportet e tij me Hasan Prishtinë e Nikolla Pashiqin. Ka folur edhe për politikën për hapjen e dosjeve, për mentalitetin e shqiptarëve e gazetarinë. Ka thënë se përfundimisht gazetat kanë vdekur kurse koha është e portaleve.