13.8 C
Prizren
E enjte, 28 Mars, 2024

Filmi ‘Titane’ fiton ‘Palmën e Artë’ në Festivalin e Kanës

Festivali i Filmit në Kanë përfundoi zyrtarisht me ceremoninë e ndarjes së çmimeve në të cilën juria e konkursit të këtij viti emëroi filmat dhe shfaqjet më të mira të festivalit.

Spike Lee shërbeu si president i jurisë së bashku me regjisorin Mati Diop, Mylene Farmer, Maggie Gyllenhaal, Jessica Hausner, Mélanie Laurent, Kleber Mendonça Filho, Tahar Rahim dhe aktorin Song Kang-ho, shkruan IndieWire.

Në një fitore historike, Julia Ducournau fitoi çmimin kryesor të mbrëmjes “Palma e Artë” për filmin e saj “Titane”, të cilin Neon e publikon këtë vit. Kjo e bën atë regjisoren e dytë femër në historinë e festivalit 74-vjeçar që ka fituar çmimin kryesor të Festivalit të Filmit në Kanë, pas Jane Campion në vitin 1993 për filmin “The Piano”.

Traileri i filmit “Titane”

Meqenëse festivali i vitit 2020 u anulua për shkak të pandemisë, filmi i fundit që mori “Palmën e Artë” (çmimi kryesor i festivalit) ishte “Parasite” i Bong Joon Ho në vitin 2019 – një film që shkoi deri në “Oscars”.

Juria e këtij viti e kishte shumë të vështirë për të zgjedhur, duke marrë parasysh që konkurruan filma nga emra të njohur si: Leos Carax, Wes Anderson, Julia Ducournau, Paul Verhoeven, Asghar Farhadi, Sean Baker, dhe shumë të tjerë.

Regjisorja e “Titane”, Julia Ducournau fiton çmimin kryesor në Festivalin e Kanës (Foto:Festival de Cannes/Instagram)

Siç është traditë, fituesit e mëdhenj të festivalit do të shfaqin filmat e tyre edhe një herë për ata që janë ende në Francë të dielën.

Sivjet në Festivalin e Kanës konkurroi edhe filmi me produksion kosovar, “Pa vend” i regjisorit Samir Karahoda, i cili fatkeqësisht nuk arriti ta fitojë “Palmën e Artë” për filmin më të mirë të metrazhit të shkurtër (Në vend të tij, ky çmim shkoi për filmin “Tian Xia Wu Ya”).

Kasti i filmit “Titane” marrin ‘Palmën e Artë’ në Festivalin e Kanës (Foto:Festival de Cannes/Instagram)

Kjo është lista e plotë e fituesve në Festivalin e Filmit në Kanë, edicioni i 74-të:

Çmimi kryesor “Palma e Artë”: “Titane”

Grand Prix: “A Hero” dhe “Compartment No. 6”

Çmimi i jurisë: “Ahed’s Knee” dhe “Memoria”

Aktorja më e mirë: Renate Reinsve, “The Worst Person in the World”

Aktori më i mirë: Caleb Landry Jones, “Nitram”

Regjisori më i mirë: Leos Carax, “Annette”

Skenari më i mirë: Ryusuke Hamaguchi, “Drive My Car”

Çmimi i Kamerës më të mirë: “Murina” nga Antoneta Alamat Kusijanovi?

Filmi më i mirë e metrazhit të shkurtër: Tian Xia Wu Ya by Tang Yi

Çmimi special i jurisë për filmin e metrazhit të shkurtër: “Ceu de Agosto” nga Jasmin Tenucci./Telegrafi/

Më Shumë

Memorandum për rritje ekonomike dhe inovacion në Komunën e Prizrenit

Kryetari Shaqir Totaj ka nënshkruar sot Memorandum Bashkëpunimi me OJQ “Agjencia për Zhvillim Rajonal Jug” (AZHR Jug). Ky memorandum synon të zbatohet për politikat e...

Familja e 71 vjeçarit të vdekur akuzon urologun në Prizren për neglizhencë

Urologu Fatos Shukriu është duke u hetuar nga Prokuroria Themelore në Prizren për veprën penale “Trajtimi i pandërgjegjshëm mjekësor”. Kjo pasi që familja e...

Lajmet e Fundit