5.8 C
Prizren
E shtunë, 26 Nëntor, 2022

Fluturat 2022: “Fluturën e argjendë” e fitoi Jora Hoxha, ndërsa vendin e parë e fitoi Luna Salihu

Mbrëmë në Palestrën e Sporteve në Prizren, u mbajt Festivali për fëmijë “Fluturat 2022” në të cilin u paraqitën 17 këngëtarë fëmijë.

Festivalin e hapi Adem Morina, drejtor i Kulturës, Rinisë dhe Sportit në komunën e Prizrenit, i cili tha se ky Festival po kthehet fuqishëm pas katër viteve ndërprerjeje, që ka qenë humbje e madhe për fëmijët.

“Na gëzon fakti se edhe përkundër kësaj pauze sonte i kemi 17 këngë garuese në këtë Festival, kurse ne mbetemi të përkushtuar si drejtori që t’i mbështesimtë gjitha festivalet për vlerat që i kanë.

Në vazhdim 17 fëmijë parakaluan nëpër skenën e mrekullueshme të festivalit.

Juria profesionale e festivalit: Kushtrim Jakupi, kryetar i komisionit, Kaltrina Krasniqi dhe Ilir Ramadani i përcolli më vëmendje të gjitha këngët e festivalit.

Kryetari i Komisionit Kushtrim Jakupi tha se ishte “me të vërtet një festival i jashtëzakonshëm edhe një rikthim shumë i fuqishëm”.

“Me të vërtetë e meritojnë të gjithë fëmijët një mbështjetje të fuqishme. Ishte e vështirë për ti ndarë çmimet por pjesëmarrja e fëmijëve i bënë të gjithë ata fitues sepse ishin vërtet të talentuar” tha ai.

Kaltrina Krasniqi në vijim i shpalli këngët fituese.

Fluturën e argjendë e fitoi Jora Hoxha me këngën “Macja ime” e kompozuar nga Hekuran Krasniqi.

Vendin e parë e fitoi Luna Salihu me këngën “Alo alo” të kopozitores Adelina Bega.

Vendin e dytë e fitoi Lea Bedra me këngën “Për ty gjyshe” të kompozitorit Butrint Bicuri.

Vendin e tretw e fitoi Era Koptagel me këngën “Havali Bir Kiz” e kompozitorit Nevzat Sundo.

Për paraqitjen më të mirë skenike e shpërblye Sara Rexha me këngën “Dëshirat” të kompozitorit Genc Hyseni.

Debutanti e Festivalit ishte këngëtari Amar Shabani I cili u paraqit me këngën “Festa ime”.

Më Shumë

Arrestohet personi i kërkuar në Prizren

Është arrestuar një person i kërkuar në Prizren. Ai është dërguar në burgun e Dubravës. Prizren 21.11.2022-17:00. Në bazë të dy urdhëresave lëshuar nga gjykata, është...

Rast tragjik në Prizren: 39 vjeçari gjendet i varur në shtëpinë e tij

Një ngjarje tragjike ka ndodhur sot në Prizren, ku një person është gjetur pa shenja jete në shtëpinë e tij, ku dyshohet se bëri...

Lajmet e Fundit