Në fshatin Gjonaj të Hasit është duke vazhduar ndërtimi i ujësjellësit.
Ky investim ka për qëllim përmirësimin e furnizimit me ujë të pijes për banorët e këtij fshati.
“Deri më tani sipas matjeve është realizuar rreth 70% e punëve të parapara në projekt”, njofton Komuna e Prizrenit.
Banorët e këtij fshati e mirëpresin invetsimet në ujësjellës, mirëpo, janë të shqetësuar me dëmtimin që rruga ka pësuar gjatë punimeve.
Ata i kanë dërguar “PrizrenPress”-it fotografi të gjendjes së rrugës së dëmtuar.
“Po na dëmtohen veturat. Jam detyruar që dy herë me e dërgu veturën tek mjeshtri për shkak rrugës”, tregon një banor i këtij fshati, i cili nuk dëshiron t’i dalë emri në publik.
Ai kërkon nga Komuna që të rregullojnë rrugën që është dëmtuar gjatë punimeve të ujësjellësit.
