Të shtëna me armë kanë ndodhur pothuajse në mesnatë në Fushë Arrës të Pukës. Rreth orës 23:30, është qëlluar me pistoletë në drejtim të një qytetari me iniciale A.Q.
Ky i fundit njoftoi menjëherë policinë, duke i dhënë edhe identitetin e personit që tentoi ta vriste. Grupi hetimor gjeti në vendin e ngjarjes një gëzhojë pistolete.
Nga e shtëna, qytetari me iniciale A.Q. nuk ka pësuar asnjë lëndim.
Nga dëshmia e dhënë, policia thotë se autori është një 30-vjeçar me iniciale E.D.
Ky i fundit u largua menjëherë nga vendi i ngjarjes pasi qëlloi me pistoletë në drejtim të qytetarit A.Q. Policia është vënë në ndjekje të tij dhe po punohet për të sqaruar motivet e ngjarjes.