Skuadra prizrenase Liria është nisur sot për fazën e dytë përgatitore të cilën do ta zhvillojë në Banjë të Pejës, saktësisht në qendrën Onix, transmeton Insporti.Lajmi është konfirmuar nga faqja zyrtare e klubit në rrjetin social Facebook.
“Ekipi jonë u nis për fazen e dyte pregaditore ,e që do ta zhvilloj në ONIX Spa”, shkruhet në faqen e klubit nga Rrafshi i Dukagjinit.
Ekipi i drejtuar nga trajneri Bedredin Gjilani, në këtë fazë përgatitore është përkujdesur edhe për transfere ndërkohë që së fundmi e ka transferuar futbollistin nga Shqipëria, Gerald Tusha, i cili në edicionin e fundit është aktivizuar në kampionatin maltez.Ai është prodhim i akademisë së Tiranës i transferuar te Dinamo mandej te Partizani e Tërbuni. Sezonin e shkuar e mbylli në Maltë te Ghajnsielem, ndërsa sot ka firmosur në Kosovë. /Insporti.com/
