13.8 C
Prizren
E premte, 29 Mars, 2024

Gashi: Bislimi, ndoshta e ka pasur fjalën për uljen e papunësisë brenda anëtarësisë së VV-së

Deputeti i PDK-së, Kujtim Gashi e ka quajtur qesharake dhe skandaloze, deklaratën e ministrit në detyrë të Financave, Besnik Bislimi se është ulur papunësia në kohën e pandemisë.

“Ministri i shkarkuar i Financave Besnik Bislimi, duke injoruar statistikat zyrtare të institucioneve përkatëse, deklaroi se ulja e papunësisë në Kosovë ka shënuar rënie për 6.6%. Kjo deklaratë e bërë me kuturi në një kohë kur shumë shtete bëjnë plane se si ta kalojnë më lehtë krizën ekonomike, në kohë pandemie e në luftë me Covid-19, është qesharake dhe skandaloze. Sigurisht, që statistikat i ka marrë nga subjekti i tij politik”, ka thënë Gashi.

Ai ka thënë se për ta vërtetuar atë deklaratë, duhet t’i referohemi raporteve të brendshme të VV-së për punësimet e militantëve të tyre partiakë.

“Politizimi i Bordeve të ndërmarrjeve të ndryshme, punësimet jashtëligjore me kriter nepotizmin në Komunën e Prizrenit dhe nëpër ministritë të udhëhequr nga kolegët e ministrit Bislimi, janë vetëm disa nga statistikat që ministri në fjalë i ka marrë për bazë kur ka deklaruar për uljen e papunësisë. Ndoshta, deklarata e tij është nxjerrë nga konteksti meqë fjalën e ka pasur për uljen e papunësisë brenda anëtarësisë së VV-së”, ka theksuar Gashi.

Sipas tij, çështja e punësimit, përkatësisht ulja e papunësisë në Kosovë kërkon strategji, masa konkretet dhe vizion të qartë, e jo mendësi e shprehi të prapambetur konservative, siç e ka kjo qeveri dhe ky ministër sharlatan e mashtrues, i cili papunësinë e lufton me deklaratë të turpshme, jashtëligjore dhe të pabazë.

Më Shumë

Rohde: Masakrat si kjo në Krushë të Madhe treguan se kishte ardhur koha për ndërhyrjen e NATO-s

Ambasadori gjerman në Kosovë, Jorn Rohde tha se masakrat si kjo në Krushë të Madhe të Rahocecit, 25 vjet më parë ka treguar se...

Bayern Munichu me kërkesë të fundit për Alphonso Davies

Tani ose kurrë. Siç thuhet në Gjermani, Bayern Munich i ka dhënë Alphonso Davies një javë kohë për të marrë një vendim për të...

Lajmet e Fundit