Lidhja Demokratike e Kosovës (LDK) në Prizren, e ka vlerësuar të dështuar 100 ditëshin e Qeverisë “Muja III”.
Zëdhënësi i LDK-së, Nderim Gashi tha se në dështimin e parë të mandatit të tretë të kësaj qeverie ka ndikuar edhe dënimi me kusht i kryetarit të Prizrenit, Ramadan Muja dhe pesë ish-drejtorëtve të tij.
“100 ditëshi i Qeverisë në Prizren , s’ka se si të mos karakterizohet me refleksionet që ka sjell vendimi i Gjykatës Themelore , i cili shpalli fajtor Mujën me ish-drejtorët e Ekzekutivit”, tha Gashi.
Gashi thotë se sipas LDK-së sjelljet e zyrtarëve komunal në këtë 100 ditësh nuk kanë ndryshuar krahasuar me dy mandatet e kaluara.
“Sjelljet e zyrtarëve komunalë në Prizren kanë qenë kaotike”.
Ai thotë se LDK kërkon që të ndërpritet kjo sjellje e zyrtarëve komunal dhe të japë dorëheqje kryetari i dënuar Ramadan Muja.
“Ne si LDK kërkojmë që të ndërprehet korrupsioni që ka kaplua qeverisjen lokale në Prizren”.
“Shenja e parë për t’u kthyer në normalitet qyteti i Prizrenit, është dorëheqja e të dënuarit Muja”. /PrizrenPress.com/