Ministri i Kulturës, Rinisë dhe Sportit, Kujtim Gashi në rrjetin social Facebook ka treguar se bashkë me kryetarin e Kuvendit të Kosovës, Kadri Veseli, ka zhvilluar takimin me përfaqësuesit e komunitetit artistik pas vendimit për ngritjen e pagave për 50 përqind për krijuesit, përformuesit dhe punëtorët profesional të trashëgimisë kulturore. Ai ka shkruar se gjatë vitit 2019, do të nxjerrin edhe Ligjin e veçantë për artistët dhe ligjin e ri për teatrot e qyteteve, me qëllim të zgjidhjes së statusit të përhershëm të artistëve kosovarë.
Postimi i plotë i Gashit:
“Pasi kemi ngritur për 50 përqind pagat për krijuesit, përformuesit dhe punëtorët profesional të trashëgimisë kulturore, sot, bashkë me kryetarin Kadri Veseli, në takimin e zhvilluar me përfaqësuesit e komunitetit artistik, u zotuam se gjatë vitit 2019, do ta nxjerrim edhe Ligjin e veçantë për artistët dhe ligjin e ri për teatrot e qyteteve, me qëllim të zgjidhjes së statusit të përhershëm të artistëve tanë”, ka shkruar Gashi.
