Ekipet e arkeologëve nga Instituti Arkeologjik i Kosovës po zhvillojnë gërmime arkeologjike me karakter shpëtimi në “Sheshin e Lidhjes” në Prizren .
D
rejtori i QRTK në Prizren, Samir Hoxha thotë se gërmimet po udhëhiqen nga arkeologu Dr. Shafi Gashi, mbështetur nga Qendra Rajonale për Trashëgimi Kulturore në Prizren.
“Presupozohet se monumenti i zbuluar muaj më pare, është i rëndësisë së veçanet historike”, tha Hoxha.
“Kjo dëshmon fuqishëm ekzistencën e një jete aktive në territorin e Prizrenit të sotëm që nga prehistoria, antikiteti, mesjeta e deri në kohët modern”.
“Të dhënat arkeologjike po dëshmojnë për një jetë aktive në territorin e Prizrenit qysh nga koha e themelimit të tij si qytet Iliro-Dardano- Shqiptar dhe gjatë periudhave vijuese, ku krijoj një varg monumentesh me vlera të mëdha historiko- kulturore”.
“Trashëgimia kulturore është pasuri e përbashkët. Ruajtja dhe konservimi i saj për brezat pasardhës është detyrim kushtetues dhe ligjor i institucioneve por edhe mbarë njerëzimit bashkëkohor. Dua të falënderoj të gjithë qytetarët e Komunës së Prizrenit për kujdesin ndaj ruajtjes dhe mbrojtjes së trashëgimisë kulturore të vendit tone”. /PrizrenPress.com/