Legjenda e Manchester United, Ryan Giggs i cili konfirmoi largimin pas 29 viteve te kjo skuadër ditë më parë, ka folur për paraqitjen e Paul Pogbas në ndeshjen e Francës kundër Islandës.
Uellsiani ka folur vetëm fjalë të mëdha për mesfushorin që sipas tij i ka të gjitha afinitetet e një futbollisti të përkryer.
Pogba në vitin 2012 kishte lënë Manchester Unitedin si lojtar i lirë për të kaluar në Juventus, aty ku shpërtheu për t’u bërë tash një nga futbollistët më të kërkuar në botë, shkruan Goal.com
“Ai është futbollist i talentuar.”
“Ai mund të godas me të dyja këmbët, të pasojë po ashtu, nuk e keni idenë se sa i madh është ky futbollist.”
“Fizikisht ai është vigan, është i fortë, ai është gjithçka dhe ka gjithçka”, ka thënë Giggs.
Ai më tej ka vazhduar duke thënë se do të dëshironte shumë sikur ta shihte Pogban përsëri të luajë në Manchester United.