Në Prishtinë është nënshkruar Memorandumi i Mirëkuptimit në mes të Universitetit të Prizrenit “Ukshin Hoti” në Prizren dhe GIZ/CDBE-së.
Memorandumi u nënshkrua nga U. D. Rektori i Universiteti “Ukshin Hoti” dr. Zahadin Shemsidini dhe zonjës dr. Dagmar Fuchs-Shmitz – drejtoreshë e programit CDBE në GIZ.
GIZ/CDBE është duke e mbështetur Ministrinë e Arsimit, Shkencës dhe Teknologjisë/MASHT në zhvillimin dhe implementimin e ligjeve dhe strategjive përkatëse si dhe i adreson nevojat për Zhvillimin e Kapaciteteve në MASHT, në Drejtoritë Komunale për Arsim/DKA si dhe në nivel të shkollës dhe komunitetit dhe për objektiv të përgjithshëm, GIZ/CDBE e ka përmirësimin e cilësisë së arsimit në Kosovë.
Një nga qëllimet e këtij programi është edhe krijimi i bashkëpunimit me Universitetet në Kosovë për përmirësimin e kualifikimit të mësimdhënësve dhe të rrisë cilësinë e para-shërbimit të realizuar nga Fakultetet e Edukimit për personelin mësimdhënës.
Fokusi kryesor i memorandumit është shkëmbimi i përvojës dhe kontributeve ndërmjet programit GIZ/CDBE dhe Universitetit të Prizrenit, me një fokus të veçantë në bashkëpunimin e përbashkët në fushën e arsimit, në sferat si në vijim:
– Shkëmbimi i informatave dhe materialeve për çështjet relevante të arsimit, të tilla si programet ekzistuese dhe ato të ardhshme të arsimit (para dhe pas-shërbimit);
– Promovimi i hulumtimit në fushën e edukimit, me një theks të veçantë në përforcimin e bashkëpunimit ndërmjet UPz-s dhe universiteteve gjermane në fushën e hulumtimit në edukim;
– Ndarja e informatave dhe mundësisht pjesëmarrja në organizimet vendore, rajonale dhe ndërkombëtare të arsimit, të tilla si takime, prezantime, konferenca, etj.