9.8 C
Prizren
E mërkurë, 7 Dhjetor, 2022

Gjimnazi “Gjon Buzuku” shënoi datëlindjen

Me një manifestim solemn është shënuar dita e gjimnazit ” Gjon Buzuku” në Prizren, si dhe është përuruar kabineti i fizikës, donacion nga qeveria e Bullgarisë.

Pjesë e këtij manifestimi ishin nxënës, stafi dhe drejtues të gjimnazit, kryetari i Prizrenit Shaqir Totaj me bashkëpunëtorë si dhe ambasadori i Bullgarisë në vendin tonë, Hristo Gudjev.

Asociation “Loyola–Gymnasium” shpall konkurs për regjistrimin e nxënësve për vitin shkollor 2022- 2023

U.d i drejtorit të gjimnazit, Jeronim Susuri, tha se ky institucion arsimor po e kremton edhe një vit të suksesshëm të funksionimit që po kurorëzohet me sukseset e nxënësve në gara të ndryshme dhe falënderoi qeverinë bullgare e cila ka vazhduar me mbështetjen e saj për këtë institucion, për hapjen edhe të kabinetit të fizikës.

Kryetari i Prizrenit, Shaqir Totaj, vlerësoi lartë punën që bëhet në këtë institucion në arsimimin dhe edukimin e të rinjve, duke premtuar mbështetje që sukseset të jenë në vazhdimësi.

Ambasadori i Bullgarisë në vendin tonë, Hristo Gudjev, tha se ndjehet tejet i lumtur që shteti i tij po e ndihmon përmes projekteve të ndryshme këtë institucion të suksesshëm edukativo- arsimor.

Edhe drejtoresha e Arsimit në Prizren, Luljeta Veselaj- Gutaj, pati fjalë miradie për gjimnazin, dhe gjithashtu ofroi mbështetje që bashkë me kryetarin e komunës do t’i japin institucioneve shkollore e në veçanti gjimnazit ” Gjon Buzuku”.

Në kuadër të këtij manifestimi është shfaqur edhe një program i pasur kulturo- artistik nga nxënësit e gjimnazit në bashkëpunim me mësimdhënësit e tyre, ndërsa gjithashtu është bërë edhe përurimi i kabinetit të fizikës, donacion nga qeveria e Bullgarisë në shumë prej 15 mijë eurove./TV Prizreni/

Më Shumë

Mbi heronjtë dhe varret

Nga: Ernesto Sabato (fragment nga kapitulli “Zoti i panjohur”) Përktheu: Bajram Karabolli Edhe një herë më shumë, dhe nuk ishte e fundit, ndihesha pak si i...

Tyson Fury rishpallet kampion bote

Tyson Fury është rishpallur kampion bote në boks për kategorinë e rëndë, duke mbrojtur rripin WBC të shtunën mbrëma. Në mesin e 60 mijë...

Lajmet e Fundit