26.4 C
Prizren
E hënë, 7 Korrik, 2025

Gjobitet sërish Drejtoria e Arsimit në Rahovec (Dokument)

Gjobitet Drejtoria e Arsimit në RahovecPas shlyerjes së gjobës së parë në vlerë prej dymijë eurove, Drejtoria e Arsimit në Rahovec është gjobitur sërish nga Inspektorati i Punës. Gjoba e dytë kap vlerën 500 euro dhe ka ardhur si rezultat i shkeljeve që janë bërë në konkursin e dytë të DKA-së, të rishpallur pas anulimit të konkursit të parë nga Inspektorati i Arsimit.

Gjoba e parë ishte shqiptuar pas konstatimeve për shkelje në konkursin e parë, ndërkaq, ndonëse DKA kishte bërë ankesë dhe kërkesë për shlyerjen e kësaj gjobe, Inspektorati i Punës e ka refuzuar ankesën e DKA-së si të pa bazë. Rrjedhimisht, siç mëson RahovecPress, DKA në Rahovec me në krye Behar Ramën është detyruar të paguajë gjobën në vlerë prej dymijë eurove.

Pas gjobës së parë, profesorët e larguar nga puna janë ankuar në Inspektorat edhe për shkeljet që janë bërë në konkursin e dytë. Inspektorati kishte kërkuar nga DKA në Rahovec që të anulojë edhe konkursin e dytë, mirëpo kjo e fundit nuk ka respektuar rekomandimin. Për këtë arsye është shqiptuar edhe gjoba e dytë.

Në ndërkohë vlen të theksohet se në mbledhjen e jashtëzakonshme të Kuvendit Komunal në Rahovec të mbajtur në muajin dhjetor, pikërisht për këto çështje, kryetari i komunës, Idriz Vehapi, kishte deklaruar se siç është anuluar konkursi i parë, edhe konkursi i dytë do të anulohet nëse do të konstatohen shkeljet.

Siç vërehet qartë, përkundër rekomandimit të inspektoratit, konkursi nuk është anuluar, prandaj edhe ka rezultuar me shqiptimin e gjobës. /RahovecPress/

Gjobitet Drejtoria e Arsimit në Rahovec Gjobitet Drejtoria e Arsimit në Rahovec1

Më Shumë

Zogaj dhe Mehmeti vazhdojnë me Lirinë

Liria e Prizrenit ka konfirmuar vazhdimin e bashkëpunimit me dy prej lojtarëve më të rëndësishëm të skuadrës: mesfushorin me përvojë Silvio Zogaj dhe luftëtarin...

Moti sot: Me diell dhe vranësira të shpërndara, temperaturat deri në 33 gradë Celsius

Sot mbi Kosovë parashihet të mbajë mot me diell dhe vranësira të shpërndara. Sipas parashikimit të Institutit Hidrometeorlogjik të Kosovës, temperaturat minimale do të lëvizin...

Lajmet e Fundit