Shetësja nga Bosnja E.Salkoviq, është dënuar me 3 vjet e 2 muaj burg për falsifikim të parasë nga Gjykata Themelore në Prizren.
Zëdhënësja e Gjykatës, Afërdita Kicaj njoftoi se E.Salkoviq është dënuar në bazë të nenit 302 paragrafi 2 lidhur me paragrafin 5 të KP-së
“E akuzuara E.Salkoviq me datën 11.08.2013, duke e ditur se parat janë të falsifikuara, ka poseduar para të falsifikuara prej 468 bankënota prej 500 euro në vlerë prej 234.000 euro, me qëllim që të vë në qarkullim si të vërteta, në atë mënyrë që nga Prishtina prej një personi të panjohur i ka marrur, i ka sjellur me një çantë në Hotelin ,”Prizreni “ në Rr. “Shën Flori” në Prizren dhe kur është akomoduar në dhomën nr.104 ato i ka fshehur në orman”, tha Kicaj.
“Gjykata Themelore në Prizren, Departamenti për Krime të Rënda e ka gjykuar me dënim me burg në kohëzgjatje prej 3 (tri) vite e dy muaj, në të cilin dënim do ti llogaritet edhe koha e kaluar në paraburgim prej datës 11.08.2013”./PrizrenPress.com/