Gjyqtari i Gjykatës Kushtetuese të Kosovës, Kadri Kryeziu nuk po mund t’i shkëputet politikës.Nuk ka takim politik që lideri i PDK-së, Hashim Thaçi , ka organizuar në Prizren, që nuk ka marrë pjesë edhe Kryeziu.
Gjyqtari i Gjykatës Kushtetuese të Kosovës, Kadri Kryeziu është parë edhe në tubimin e parafushatës të ditës së djeshme të Thaçit, që ka mbajtur me strukturat dhe kandidatët e PDK-së për deputet të Parlamentit të Kosovës në Prizren.
“PrizrenPress” ka arritë të sigurojë foto të takimit të parafushatës së Thaçit në Prizren, ku pas kandidatëve të PDK-së për deputet,Hajradin Kuçit, Nait Hasanit, Irfan Fushës, shihet edhe gjyqtari i Gjykatës Kushtetuese të Kosovës,Kadri Kryeziu.
Kadri Kryeziu pas përfundimit të luftës në Kosovë, gjatë kohës së qeverisë së përkohëshme të Hashim Thaçit, ka qenë kryetar i Komunës së Prizrenit.
Pas humbjes së zgjedhjeve, Kadri Kryeziu, është emëruar kryetar i Degës së AAK-së në Prizren.Ai këtë pozitë politike e ka mbajtur deri në emërimin si gjyqtar në Gjykatën Kushtetuese, pozitë të cilën e mban edhe sot. /PrizrenPress.com/