Iniciativa Qytetare për Malishevën ka vazhduar aktivitetin e saj parazgjedhor në fshatrat Gullboc dhe Plloqicë. Kandidati i IQPM-së për Kryetar të Komunës së Malishevës, Ragip Begaj, ka qenë i shoqëruar nga Fatmir Limaj dhe bashkëpunëtorët e tij.
“Në këto fshatra kemi gjetur gatishmëri për mbështetje të fuqishme”. Ragip Begaj potencoi në fshatrat Gullboc dhe Plloqicë se IQPM është produkt i qytetarëve dhe në qeverisjen tonë te ardhshëm pushteti do të jetë i qytetarëve dhe jo i pushtetarëve. Ne synojmë që të ndalohet politizimi nëpër shkolla”, thuhet në një komunikatë të IQPM-së.
Bëhet e ditur se Fatmir Limaj në fillim të fjalës i përshëndeti të pranishmit për mbështetjen e dhënë gjatë proceseve te cilat ka kaluar gjatë këtyre viteve ai. “Edhe këto dy fshatra duhet t’i dhënë mbështetje të fuqishme IQPM-së dhe ndryshimet duhet të ndodhin në komunën tonë, sepse kërcënimeve dhe shantazheve duhet t’iu vjen fundi. Punëtorët dhe qytetaret duhet të marrin frymë lirshëm”, tha Limaj, duke u bërë apel qytetarëve që masovikisht të dalin në zgjedhje dhe të ruajnë qetësinë dhe të mos bien pre e provokimeve.