Deputetja nga radhët e PDK-së, Safete Hadërgjonaj, thotë se në listat e veteranëve ka dezertorë, ndaj fton drejtësinë të veprojë ndaj të gjithë atyre që padrejtësisht lanë jashtë listave luftëtarët e lirisë.
Në rrjetin social Facebook ajo ka shkruar se në lista ka edhe nga ata që me të dëgjuar krismat e para ikën.
“Ta gëzoni e ta mbani me nder ju luftëtarët e UÇK-së statusin e veteranit të luftës. T’i vret ndërgjegjja dezertorët e luftës që fituan statusin e veteranit, e drejtësia të veprojë ndaj të gjithë atyre që padrejtësisht lanë jashtë listave luftëtarët e lirisë, e favorizuan ata që me të dëgjuar krismat e para ikën”, ka shkruar ajo.