Festivali ndërkombëtar për film dhe teatër “Skena Up”, prej edicionit të ardhshëm do të drejtohet nga një drejtoreshë e re. Hana Qena, që deri më tani ka qenë menagjere e festivalit, tani ka marrë pozitën udhëheqëse, pas dorëheqjes së Arben Zharkut.
Me vendim të Bordit të festivalit, Qena ka marrë këtë post pasi dëri tani ka qenë udhëheqëse e programit për teatër në këtë festival.
Qena vjen nga Fakulteti i Arteve në kryeqytet ndërsa është pjesë e grupit “Haveit”, bashkë me Vesa Qenën, Lola dhe Alketa Sylajn.
Katërshja ka vetëm pak ditë që janë kthyer nga rezidenca artistike në Tiranë ndërsa pritet që së shpejti të jenë pjesë edhe e rezidencave tjera. Ndërkaq, festivali “Skena Up” është festivali i vetëm që promovon punën e studentëve të filmit dhe regjisë nga e gjithë bota.
Në edicionin e fundit që u mbajt në dhjetor të vitit 2013, filmi më i mirë i këtij festivali u shpall filmi “The Swing of the Coffin Make”, me regji të Elmar Imanov nga Gjermania. / KultPlus.com