17.8 C
Prizren
E enjte, 13 Mars, 2025

Haradinaj nis turneun për bashkëbisedim me qytetarët, ndalesa e parë në Prizren

Kryetari i Aleancës për Ardhmërinë e Kosovës, ka nisur ‘turneun’ e tij nëpër komunat e vendit për të bashkëbiseduar me qytetarët për problemet e tyre.

Haradinaj, përmes një postimi në Facebook, ka njoftuar se sot janë në Prizren, në qendrën Evropa, me fillim nga ora 18, për të vazhduar pastaj në qendrat e tjera.

“Do fillojmë sot me një cikël bisedimesh me qytetarët tanë. Nisim në Prizren, për të vazhduar ditëve tjera në qendra të tjera”, ka shkruar Haradinaj në Facebook.

Haradinaj tha se krijimi i hendekut në mes të qeverisë e qytetarëve , kanë sjellë institucionet në prag të kolapsit.

“Kohërat e ndjeshme për Kosovën dhe qytetarët e saj, kërkojnë sinqeritet e bashkëbisedim mes nesh. Krijimi i hendekut të madh qeveri-qytetar, krizat në çdo pore të shoqërisë, kanë sjellë qytetarin e Kosovës në ditë jo të mira për të dhe institucionet e Kosovës në prag të kolapsit”, ka shkruar ai.

“Jeni të mirëseardhur të flasim hapur, të ndajmë brengat tona, të kërkojmë dhe të gjejmë zgjidhje”.

Më Shumë

Gjykata i cakton 30 ditë paraburgim të dyshuarit që grisi Kuranin në Prizren

Gjykata Themelore në Prishtinë ka vendosur masën e paraburgimit prej 30 ditësh ndaj të dyshuarit I.P., i cili më 3 mars në Prizren dyshohet...

Kryetari Muharremaj me mesazh prekës për 7 Marsin, kujton mësimdhënësin dëshmor Avdyl Beqiraj

Me rastin e 7 Marsit – Ditës së Mësuesit, kryetari i Komunës së Suharekës, Bali Muharremaj, ka ndarë një mesazh emocionues duke kujtuar mësimdhënësin...

Lajmet e Fundit