Kryeministri Hashim Thaçi ka dashur ta sakrifikoi Dardan Gashin e Listës Ibrahim Rugova.Postin e tij, ai ia ofroi ditë më parë Zafir Berishës, por ai e refuzoi atë, thotë burime tëGazetës Express.
Kryeministri i Kosovës, Hashim Thaçi i ka ofruar Zafir Berishës postin e Ministrit të Mjedisit dhe Planifikimit Hapsinor, në shkëmbim të mbështetjes së tij për kandidatin e PDK’së për Kryetar të Prizrenit.Por, kjo ofertë është refuzuar nga Berisha, i cili ka vendosi ta mbështesë rivalin e Ramadan
Mujës, kandidatin e LDK’së, Eqrem Kryeziun.
“Thaçi bëri edhe oferta të tjera, por kryesorja ishte posti i Ministrit, megjithatë, z. Berisha e refuzoi”, ka thënë një burim i Gazetës Express, i pranishëm në takimin Thaçi-Berisha.Në zgjedhjet e 3 nëntorit, Zafir Berisha mori 13 për qind të elektoratit në garën për Kryetar të Prizrenit, duke u bërë kështu, në një mënyrë, përcaktuesi i fituesit në garën e balotazhit.